Ýrin

Vá hvað Friðrik og Regína voru æðisleg í kvöld. Það kom mér alls ekki á óvart að við kæmumst áfram, flutningur þeirra var óaðfinnanlegur, þau sungu svo vel og voru með mikla útgeislun 

Þetta minnti mig á þegar Selma söng 1999 og við Dögg vinkona vorum á leið í 25 ára afmæli. Eftir að hún hafði lokið söngnum vorum við með það á hreinu að við myndum skora hátt sem svo varð! Við gátum ekki hugsað okkur að missa af stigagjöfinni og mættum þ.a.l. allt of seint í afmælið - en auðvitað í rokna stuði. Auðvitað vorum við smá tapsárar yfir að hafa tapað fyrir sænsku gærunni, það er eins gott að það endurtaki sig ekki...

Ýr í júróstuði

að vorið sé komið Fór í morgun að horfa á Aðalbjörgina mína keppa í sundi og gekk henni að óskum. Eftir að ég kom heim gerði ég ansi margt. Fór út að hjóla með Aðalbjörgu og Nótt, teymdi Elfu og Söru á hesti og síðast en ekki síst þá skellti ég mér á hestbak!! Og m.a.s. að eigin frumkvæði! Því síðan ég datt af baki fyrir 4 árum hef ég verið ansi rög. Útreiðatúrinn gekk vel og Hlynur hjólaði samferða mér svo það er hægt að segja að við höfum bæði verið ,,í túr"...

Í kvöld gengum við svo til vinahjóna okkar hér í götunni með allan krakkaskarann og grilluðum við saman í góða veðrinu og höfðum það kósí. Kallarnir skelltu sér síðan á hestbak og ég sit hér með eina brjálaða bínu sem ég bjó sjálf til  Fæ smá flashback til Benedorm hér um árið þegar ég var 19 og drakk hana í stríðum straumi og var kölluð fyrir vikið; ,,crasí bín"

Eru kannski smá sannleikskorn í því??

Ýrin í sumarskapi 

Já þá er komið að því! Er að fara aftur til Berlínar um helgina í gaulferð Karlakór Kjalnesinga sem Hlynur er í ætlar að troða þar upp og kerlunum er boðið með.

Ég skoða gengi evrunnar á hverjum degi og blóta því jafn oft. Ekki vegna þess að ég er með erlent lán (erum með íslenskt) heldur því ég sé fram á að geta ekki verslað eins mikið og ég ætlaði mér. Hlyni finnst ég frekar fyndin.

Þar sem hann er einnig í hljómsveit kórsins verður gítarinn tekinn með út. Spurning hvort ég fái hann ekki lánaðan og fari út á næsta horn með hatt og gauli eitthvað. Kannski að H og M fái þá frekar að njóta nærveru minnar!

Það er ekki hægt að segja annað en lítið hafi verið sofið um helgina, ekki vegna skemmtanalífs heldur vinnu. 10. bekkur fékk að hafa sleep - over á föstudagskvöldið í skólanum og ég og önnur vorum á vaktinni. Ætli við höfum ekki sofið samtals í 2 tíma þessa nóttina, verð ábyggilega alla vikuna að ná upp svefninum, orðin svo gömul!

Fór á 27 dresses í gærkvöldi með Aðalbjörgu, mjög fín stelpumynd. Vorkenndi hálfpartinn þessum örfáu karlmönnum sem voru á henni,  efast um að þeir hafi haft jafnmikla ánægju af henni og við stelpurnar.

Hvernig er þetta annars með veðrið? Hélt fyrir viku að vorið væri að koma en nú sést ekki út, snjór á öllum gluggum og skafrenningur úti. Þetta er án efa mesti snjór sem hefur komið síðustu 10 ár.

Vinnuvikan hefst á morgun og allir á heimilinu orðnir frískir. Þórir fer loksins í leikskjólann eftir að hafa verið heima í viku með strepta og háan hita. Verð nú að játa það að þessi endalausu veikindi reyna vel á... en nú er bjart framundan

Jæja í kvöld ræðst hver fer fyrir Íslands hönd í Eurovision í vor. Við fjölskyldan höfum fylgst með þáttunum og þótt þeir ágætis fjölskylduskemmtun. Það finnst greinilega fleirum því þátturinn var mældur um daginn vinsælasti sjónvarpsþáttur á Íslandi þrátt fyrir að margir viðurkenni ekki að horfa á hann. Íslendingar eru svo fyndnir

Keppnin er orðin ansi hörð sérstaklega á milli Júróbandsins og hópsins hans Gillznagger. Ég spái Gillznagger og félögum sigri, ekki það að mér finnist það besta lagið (er hrifnust af Gula hanskanum og laginu hennar Ragnheiðar Gröndal) heldur hvort sem fólki líkar betur eða verr þá kjósa unglingarnar það sem og lagið er ansi grípandi. M.a.s. Þórir syngur með viðlaginu eins og ekkert sé!

Sjáum hvort ég verði sannspá...

Ýr