Skagafjörður - frábær

Var að koma úr þriggja daga útskriftarferð 10. bekkinga um Skagafjörð. Þetta var nú aldeilis viðburðarrík og skemmtileg ferð í bongóblíðu

Við byrjuðum á því að fara í klettasig og ofurhuginn ég seig fyrst, guð minn góður hvað ég var hrædd í byrjun. Mundi ekki einu sinni hvort ég væri rétt-eða örvhent en þegar ferðin var byrjuð var þetta frábært! Krakkarnir fóru líka í leirdúfuskotfimi en ég komst ekki í það, þurfti að vera með einu hópi í klettasiginu því ekki gátu krakkarnir verið kennaralausir þar.

Daginn eftir fórum við í paintball, gaman að vera óþekkjanlegur í galla og skjóta á mótherjana... og svo fórum við á Siglufjörð. Þar sat ég í makindum mínum á kaffihúsi þegar Aðalbjörg hringdi og tilkynnti mér um skjálftann, ég hélt að hún væri að ímynda sér eitthvað...bjóst engan veginn við skjálfta frekar en aðrir Íslendingar

Í gærmorgun enduðum við síðan ferðina á því að fara í riverrafting. Geggjað í einu orði sagt og var toppurinn á skemmtilegri ferð. Þetta langar mig svo sannarlega að gera aftur og fara þá í ,,fullorðinsána" Þessi ferð verður ógleymanleg, þarna var ég að prófa ýmislegt sem ég hefði fyrir nokkrum mánuðum ekki getað ímyndað mér að ég færi í. Allt getur maður á gamals aldri

Nú styttist í að ég fari út, leigarinn kemur að sækja mig kl. 3 aðfaranótt föstudags (held ég hafi sjaldan eða aldrei farið svona snemma út á völl en við fljúgum kl. 6.30). Verð í Barcelona í þrjár nætur og í Montpellier í fjórar. Bara yndislegt!

Var bara myndarleg rétt áðan og setti sumarblóm í kerin mín svo að nú má sko sumarið fara að koma!!

Ýr

Athugasemdir

[Herdís (IP-tala skráð) 1.6.2008 kl. 18:21]

ótrúlegur kraftur í þér:-)

 Alltaf nóg að gera hjá þér, heyri kannski í þér áður en þú ferð:-)

[gurra (IP-tala skráð) 7.6.2008 kl. 11:11]

Viltu senda mér mailinn tinn kæra frænka.

KV.

Gurra